Србија по разочарувањето на Европското првенство се раздели со селекторот Џерона
Ракометната федерација на Србија денеска потврди дека го раскина договорот со селекторот Тони Џерона по разочарувачкиот настап на Европското првенство.
Србија по ремито со Исланд во првото коло имаше реални шанси како второпласирана да оди во следната фаза, но во последното коло загуби од Црна Гора. Поразот донесе големо разочаруање, па двете страни спогодбено го раскинаа договорот.
„По извршниот детален состанок со господинот Жирона, дојдовме до заклучок дека во овој момент најдобро е да дојде до раскинување на соработката во согласност со двете страни. Благодарни сме му за се позитивно што доносе за машкиот српски ракомет за време на својот мандат и му посакуваме многу среќа во иднина. Ракометниот сојуз на Србија ќе ги испочитува сите правни обврски дефинирани во договорот“, изјави претседателката на Ракометната федерација на Србија, Милена Делиќ.
Дека настапот на Европското првенство беше неуспех свесен е и самиот шпански селектор.
„Не е лесно да се носите со оваа ситуација по Европското првенство. Не ја остваривме целата и разбирливо е дека на ракометната репрезентација и е потребна нова енергија за се што следи во иднина. Благодарен сум на дадената можност и за секој момент во претходниот период“, изјави Џерона.
Шпанецот ја водеше Србија од мај 2020 година и зад себе остави неколку одлични резултати.