Србија без Никола Јокиќ на Мундобаскет 2023?!
Селекторот на српската кошаркарска репрезентација, Светислав Пешиќ в понеделник од 16.00 часот ќе го објави списокот на играчои на кои ќе смета за Светското првенство, соопштија од тамошната федерација.
На закажаната прес конференција покрај селекторот, ќе се обрати и капитенот на репрезентацијата, Богдан Богдановиќ и претседалот на федерацијата, Предраг Даниловиќ.
Одредени медиуми објавија информации дека на списокот нема да биде една од најголемите ѕвезди која минатата сезона со Денвер нагетс ја освои титулата во НБА лигата, Никола Јокиќ. Покрај Јокиќ, Мундобаскетот ќе го пропуштат и Василије Мициќ и Никола Калиниќ.
СП 2023 во Филипини, Јапонија и Индонезија ќе започне на 25 август и ќе трае до 10 септември.
Србија е во групата „Б“ заедно со селекциите на Јужен Судан, Кина и Порторико.