Лидерите на САД, Јапонија, Индија и Австралија денеска се сретнаа во Белата куќа на самитот на групата „Квад“, која ја дели загриженоста за зајакнување на улогата на Кина во регионот и разговараа за вакцинацијата против ковид и заедничките инфраструктурни и технолошки проекти.  

Иницијативата „Квад“, покрената по катастрофалното цунами во 2004-та година, наречена „Четиристрален безбедносен дијалог“, долго време беше во мирување, но прерасна во посилен сојуз по незадоволството од Пекинг, велејќи дека таа иницијатива е осудена на неуспех.  

„Заедно сме во индо-пацифичкиот регион, регион кој сака да биде ослободен од притисоци, каде што се почитуваат суверените права на сите нации и каде споровите се решаваат мирно во согласност со меѓународното право“, рече австралискиот премиер Скот Морисон на почетокот на состанокот.  

Американскиот претседател Џо Бајден прво се сретна со индискиот премиер Нарендра Моди во неговата канцеларија, а потоа им соопшти на останатите партнери од „Квад“ дека иницијативата за вакцинацијата ќе биде договорена на виртуелниот самит на „Квад“ во март, кога ќе бидат произведени дополнителни милијарди дози вакцини во Индија за да се зголеми вкупниот број на вакцинирани лица. Таа сума ќе биде голема помош за земјите од индо-пацифичкиот регион, рече Моди.  

Квад ги обединува четирите големи демократии кои знаат да прават бизнис и се на чекор до предизвикот, рече Бајден.  

Јапонскиот премиер Јошихиде Суга рече дека состанокот покажува силна солидарност меѓу четирите земји и нивната „одлучна посветеност за слободен и отворен Индо-Пацифик“. Квад планира да обезбеди милијарда дози вакцини против ковид-19 за цела Азија до крајот на 2022 година, откако Индија, најголемиот производител на вакцини во светот, го забрани извозот во април кога се бореше со масовна пандемија. 

Индија е подготвена да го започне извозот во октомври, пред се преку меѓународната програма Ковакс, рече премиерот Моди. Квад треба да објави неколку нови договори, вклучувајќи иницијатива за заштита на испораката на полупроводници, електронски компоненти неопходни за целосен опсег на производи, од авиони до мобилни телефони, кои се потешко да се набават за индустриите денес.  

Исто така, ќе објави партнерство за 5G мрежата и плановите за следење на климатските промени.  

Средбата се одржа нешто повеќе од една недела откако САД, Велика Британија и Австралија објавија нов безбедносен пакт, АУКУС, во рамките на кој ќе се изградат нуклеарни подморници за Австралија, што беше осудено од официјален Пекинг.  

Портпаролот на кинеското Министерство за надворешни работи, Жао Лиџијан, го критикуваше Квад, откако на брифингот рече дека тоа е „затворена, ексклузивна клика насочена против други земји и оди спротивно на времето и аспирациите на земјите во регионот. Тој е осуден на пропаст “.  

Пред состанокот, американските власти се обидоа да ги минимизираат безбедносните аспекти на Квад, иако членовите на таа група спроведуваат заеднички поморски вежби и споделуваат загриженост за зголемената сила на Кина во регионот. Кина го карактеризира Квад како конструкција од Студената војна и за Aукус изјави дека ќе ја засили трката за вооружување во регионот. 

Историски договор меѓу САД, Велика Британија и Австралија: Воен пакт за скротување на растечката моќ на Кина