Дваесет и двегодишен сопственик на фирма, во полициската станица Ѓорче Петров, пријавил дека бил измамен за сума од 175 илјади денари. Според пријавеното, пред околу 2 недели, лице се претставило како вработен во друга фирма и му побарало понуда за неколку производи, а откако се договориле, тој му ја испорачал нарачката преку автопревозник од Куманово. Како што е пријавено, на вчера автопревозникот му се јавил и му кажал дека не добил пари за извршениот транспорт, по што тој ја побарал фирмата наводен побарувач и добил одговор дека тие не направиле никаква нарачка од неговата фирма, по што сфатил дека е измамен. Се преземаат мерки за расчистување на случајот.