Брајан Маст, истакнат сојузник на десничарскиот гувернер на Флорида, Рон Десантис, ја изрази својата поддршка за кандидатурата на Доналд Трамп во трката за претседател во 2024 година. Ова е последен во низата такви удари за најголемиот противкандидат на Трамп од Републиканската партија, пренесува „Гардијан“.

Веста дојде по извештаите дека тимот на Десантис извршил притисок врз американските претставници од неговата држава да не го поддржат Трамп на следните избори.

Маст за „Си-ен-ен“ изјави дека планира да го поддржи поранешниот претседател и дека ќе претседава со комитет на ветерани за поддршка на неговата кандидатура за реизбор.

NEWS: Rep. Brian Mast tells me he plans to endorse Donald Trump for president, becoming the 7th House Republican from Florida to do so. Mast also says he'll be chairing “Veterans for Trump."

Another key pick-up for Trump, who has been courting support from the FL delegation.

— Melanie Zanona (@MZanona) April 18, 2023

Брајан Маст беше сојузник на Десантис за прашањата за животната средина и водата во Јужна Флорида. Маст е седмиот републиканец од Флорида кој реши да го напушти кормилото на Десантис и да се сврти кон Трамп.

Десантис сѐ уште не ја објавил својата претседателска кандидатура официјално, иако се очекува тоа да го стори во следниве месеци. Тој е најблискиот противкандидат на Трамп, но неговите бројки стагнираа, откако се најде на удар поради политиките за ранливи теми, како абортусот.