Кромидот е еден од најпотребните состојки во кујната. Постојат многу видови кромид и се нуди во различни облици, величини, бои и секој од нив има свој сопствен специфичен вкус, кој придонесува за уникатноста на одредено јадење.

Обично луѓето купуваат поголема количина поради залихи, но бидејќи не се користи веднаш, кромидот омекнува, се расипува и фрла. За да го избегнете тоа и да заштедите пари, има правила како се чува кромидот во домашни услови.

За тоа најповолна е темна, ладна и сува соба со вентилација. Причина за тоа е што овој зеленчук има способност брзо да ја впива влагата. На многу висока температура почнува да скапува.

Можете да го чувате во отворена корпа, сад од бамбус или во мрежеста вреќичка. Не е добра идеја да се чува во најлонски ќеси, затоа што го задушуваат и брзо се расипува.

Не чувајте го во фрижидер, тоа може само да привлече влага, која го расипува. Но ова не важи за пресечен или исечкан кромид, кој може да се чува во фрижидер до две недели (ако е излупен) и 7-10 дена ако се сечкан. Готвен кромид можете да го чувате во фрижидер 3-5 дена.