Скандал во Италија: Фудбалер на Џенова учествувал во групно силување-
Италијанецот Маноло Портановa од редовите на Џенова е осуден на шест години затворска казна поради учество во групно силување, објавија италијанските медиуми.
Портанова е обвинет дека силувал 21-годишна девојка на забава во Сиена. Делото го извршил во мај минатата година заедно со неговиот роднина Алесио Лангела, но и со уште двајца негови пријатели, Алесандро Капиело и неименуван 17-годишник.
Од обвинетите Портанова и Лангела побарале забрзано судење и денеска тие биле осудени на шест години затвор. Освен затворската казна имаат обврска да исплатат 120.000 евра како компезација на жртвата и нејзиното семејство.
Треба да се знае дека во забрзано судење обвинетиот го прескокнува судското рочиште со цел да добие намалување на казната и да го скрати судењето, меѓутоа не значи и признавање на вината.
Портанова категорично тврди дека е невин и ќе поднесе жалба на одлуката. Капиело се појави пред судот затоа што тој не побара забрзано судење.