Скандал ја тресе Шпанија, Пике и Рубиалес го договориле Суперкупот!
Фудбалерот на Барселона, Жерар Пике се договорил со претседателот на шпанската фудбалска асоцијација, Луис Рубиалес, да го однесе Суперкупот на оваа земја во Саудиска Арабија, објави „Ел Конфиденсиал“ со сите транскрипти од разговорот.
Таму, во јануари 2020 година се одигра првиот шпански Суперкуп, а пред почетокот Рубиалес изјави дека компанијата на Пике „Космос“ помагала како посредник во преговорите, наводно бесплатно.
EXCLUSIVA | Rubiales pactó con Piqué un pelotazo de 24 millones por la Supercopa en Arabia: "Os quedáis seis kilos" #SupercopaFileshttps://t.co/fC8aW4G4Ge
— El Confidencial (@elconfidencial) April 18, 2022
Но, се покажа дека „Села“, саудиска државна компанија, на шпанскиот фудбалски сојуз му гарантирала исплата од 40.000.000 милиони евра за секоја од шесте години играње на Суперкупот во Саудиска Арабија Арабија. Компанијата „Космос“ добивала по четири милиони евра за секоја година, значи вкупно 24.000.000 евра за шест години.
– Види Руби (Луис Рубиалес), нема проблем доколку се во прашање парите. Реал ќе дојде за осум милиони евра. Ќе се плати по осум милиони евра за Реал и Барселона, по 2 и по 1 милион за останатите два тима и така се 19 милиони. Ќе ви останат шест милиони за Федерацијата. Да притиснеме за Саудиска Арабија за дополнителни 1-2 милиони евра – вели Пике во еден од разговорите со Рубиалес.
RFEF President Luis Rubiales allied with Gerard Piqué to pressure Saudi Arabian authorities to give the pair up to €24m for hosting the Spanish Super Cup in the country.
— @elconfidencial pic.twitter.com/RZFht5HyVt
— Barça Universal (@BarcaUniversal) April 18, 2022
На 15 декември 2019 година, Рубиалес му честиташе на Пике за склучениот договор, што може да се слушне на аудио снимките. Шпанскиот Суперкуп за првпат се одигра во Ријад во 2020 година.
Пике очигледно сака да се занимава со други работи надвор од теренот, па влезе во тенискиот бизнис, каде направи реформи во Дејвис купот. Покрај тоа, тој е активен и политички, каде што со години жестоко се залага за одвојување на неговата родна Каталонија од државата Шпанија. Во склоп на тоа тој често упатуваше обвинувања кон Фудбалската федерација на Шпанија и државата, па оваа соработка со нејзиниот претседател е уште поизненадувачка. Очигледно, ова не важи за приватни финансиски работи.