Денеска нè очекува променливо облачно и релативно топло време со повремени врнежи од дожд, особено во западните и крајните источни делови, прогнозира УХМР. Ќе дува засилен ветер од јужен правец (над 70 км/час). Снег ќе врне само на највисоките врвови. Температурата ќе се искачи до 18 степени.

Во Скопје времето ќе биде променливо облачно со повремен слаб дожд. Ќе дува засилен ветер од југоисточен правец. Температурата ќе достигне до 15 степени.

Издадено е и метеопредупредување за следните денови кога под влијание на циклонска активност и серија влажни воздушни бранови ќе продолжи периодот на променливо облачно време со повремени врнежи од дожд. Врнежите на повеќе места ќе бидат обилни и до сабота се очекува да наврнат над 50 литри на квадратен метар. Во четврток локално врнежите ќе бидат поројни и проследени со грмежи. До четврток ќе дува засилен, а повремено и силен ветер од јужен правец што ќе услови топло време за овој период од годината. Во петок и за време на викендот се очекува значително заладување и врнежите од дожд постепено ќе преминуваат во снег и во пониските места. На планините ќе се формира позначителна снежна покривка, а помала се очекува и во некои пониски места.