Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„Love Actually“ – филм на Нетфликс

Осум лондонски парови се обидуваат да се справат со своите врски на различни начини. Нивните обиди ги тера да откријат колку можат да бидат комплицирани врските.

Жанр: романтична комедија / „IMDB“ оценка: 7.6 / „Rotten Tomatoes“ рејтинг: 64%

„Fool Me Once“ – серија на Нетфликс

Маја Стерн се обидува да се помири со бруталното убиство на нејзиниот сопруг Џо. Меѓутоа, кога Маја поставува камера за дадилка за да внимава на нејзината мала ќерка, таа е шокирана кога го гледа својот сопруг во нејзината куќа.

Жанр: трилер / „IMDB“ оценка: 7.1 / „Rotten Tomatoes“ рејтинг: 75%

„A Christmas Story Christmas“ – филм на Нетфликс

Ралфи е веќе возрасен во ова продолжение на омилениот празничен филм, во кој тој мора да се справи со Божиќ и сè што доаѓа со него, овој пат како татко.

Жанр: комедија / „IMDB“ оценка: 7.1 / „Rotten Tomatoes“ рејтинг: 75%

„Selena + Chef“ – серија на Ејџ-би-о

Оваа серија за готвење ни ја прикажува уметницата, глумица, продуцентка и филантропистка Селена Гомез како управува во непозната територија, правејќи вкусни оброци додека е дома во карантин, придружувана од далечина од разни главни готвачи.

Жанр: реално шоу / „IMDB“ оценка: 8.4 / „Rotten Tomatoes“ рејтинг: /