Додека го чекаа доаѓањето на американскиот претседател Џо Бајден и другите светски лидери на самитот на НАТО во Мадрид во вторникот, меѓународните претставници и новинарите беа збунети кога видоа дека на менито во еден од рестораните се нуди руска салата, пренесува Ројтерс.

Салатата од грашок, компири, моркови и мајонез често е незаменлива на менито на шпанските ресторани, но пред самитот на кој се очекува Русија да биде означена како безбедносна закана во новиот стратешки концепт на Алијансата, поради нејзината инвазија на Украина, руската салата беше вистински шок за сите присутни.

‘Russian Salad’ on the menu at NATO summit cafe in Madrid raises eyebrows https://t.co/yf5SAwGbBv pic.twitter.com/E0szvDTUl7

— Reuters (@Reuters) June 28, 2022

„Руска салата на самитот на НАТО? Изненадувачки избор на јадења“, изјавија присутните новинари за шпанскиот медиум Ла Секта ( La Secta).

На крајот, сепак, се чинеше дека тоа не беше толку голем проблем, бидејќи храната се распродаде за неколку часа.

Сепак, дипломатските размислувања беа повеќе насочени кон менито што им беше сервирано на министрите за одбрана и за надворешни работи кои беа во посета на банкетот одржан во барокната палата Санта Круз во центарот на Мадрид во вторникот вечерта.

Било послужено јадење во кои биле додадени „кнедли од домати“ и таквото јадење било наречено „украинска салата“, што е доказ дека конфликтот меѓу западот и истокот се води и во јадењата