Министерството за надворешни работи на Северна Кореја ги прозва САД и Јужна Кореја за продлабочување на тензиите на Корејскиот полуостров со заедничките воени вежби, јави државната агенција КЦНА.

Функционер на министерството во изјава ги обвини САД дека ја влошуваат ситуацијата, критикувајќи ја неодамна одржаната заедничка вежба на воздухопловните сили во која учествуваа и американски стратешки бомбардери со долг дострел.

Северна Кореја ги критикуваше и големите воени вежби закажани за почетокот на следната недела, кои двете земји ќе ги спроведуваат повеќе од десет дена.

Во посебна изјава, Ким Јо Јонг, влијателната сестра на лидерот Ким Џонг Ун, предупреди дека Северна Кореја ќе го протолкува како „објавување војна“ доколку САД преземат воена акција против нивните тестирања на стратешко оружје.

Сојузниците во петокот соопштија дека претстојната заедничка вежба „Штитот на слободата“ е со цел да ги зајакне одбранбените и одговорните способности на Алијансата, а во рамките на сценариото е фокусирана на ситуации како што се променливото безбедносно опкружување, севернокорејската агресија и научените лекции од неодамнешните војни и конфликти