Шкотскиот фудбалски клуб Селтик предводен од тренерот Брендан Роџерс планира ова лето да го засили тимот со нов напаѓач.

Кјого Фурухаши го напушти Селтик и се пресели во Рен, па во нападот главна улога доби Јапонецот Даизен Маеда кој беше прв стрелец сезонава во шкотското првенство со 16 голови и придонесе во новата титула на Селтик.

Роџерс како опции ги има и Адам Ајда и Џони Кени, но навивачите сметаат дека е потребен квалитетен напаѓач кој ќе ја води екипата во следната сезона.

На „радарот“ на Селтик е македонскиот репрезентативец Бојан Миовски кој моментно настапува за Жирона, но сезонава не добиваше редовна минутажа, во Ла Лига запиша 17 настапи и два голови во победата над Еспањол (4:1), или секвупно 22 настапи за Жирона и четири погодоци во сите натпреварувања.

Миовски пред да се пресели во Шпанија, статистички имаше две одлични сезони во Шкотска за Абердин постигнувајќи вкупно 32 голови во тамошниот шампионат.

На клупски плам беше дел и од унгарскиот МТК, Ренова, Македонија ЃП, Работнички, Брегалница Штип.