Шкупи со една нога во второто квалификациско коло на Лигата на шампионите по победата во Скопје над Линколн Ред Импс (3:0).

Македонскиот шампион е фаворит на овој двомеч, а тоа треба да се потврди и на реваншот во Гибралтар на 12 јули на стадионот „Викторија“ (18.00 часот) кој ќе се игра на вештачка трева.

Тренерот на чаирчани, Гоце Седлоски поради победата и остварениот резултат на Националната арена „Тодор Проески“, но и дека неговите играчи ќе бидат претпазливи на возвратната пресметка во која ќе се обидат повторно да покажат добри перформанси.

Победникот од овој двомеч во второто квалификациско коло во ЛШ ќе игра со Динамо Загреб.

– Им честитам на моите играчи, ги исполнија задачите на теренот. Поблиску сме до второто квалификациско коло во Лигата на шампионите, но ни претстои и реваншот во Гибралтар кој треба да го одиграме. На теренот во Скопје бевме со еден фудбалер помалку повеќе од 30 минути, мојот тим добро играше, имавме шанси на крајот да триумфираме и поубедливо. Знам и верувам дека можеме уште подобро – рече Седлоски.