Се менувавме за наизменично да го „тепаме“ Меси
Поранешниот бразилски фудбалер и член на Јувентус, Интер, Фиорентина и Галатасарај, Фелипе Мело, откри дека во репрезентацијата имале „неверојатен“ план кога требало да играат против Аргентина и Лионел Меси.
Тие наизменично се ротирале во круг за секој барем по еднаш да го удри Меси.
– Лео е единствен и неверојатен фудбалер. Кога игравме против него и Аргентина, заклучивме дека сите мораме барем по еднаш да го удриме доколку сакаме да го запреме. Договорот беше наизменично да се ротираме, секој да го удри барем по еднаш, но не за да го повредиме туку да го извадиме од ритам. Не постои начин да запрете таков фудбалер, ние моравме да правиме прекршоци и да го „тепаме“ за го извадиме од ритам – открива Фелипе Мело.
Фелипе Мело беше член на бразилската репрезентација помеѓу 2009 и 2010 година и учествуваше на Светското првенство во Јужна Африка кога „кариоките“ испаднаа во четвртфиналето од Холандија.