Русија гради нова воздухопловна база непосредно до границата со Украина, во регионот Белгород, а тоа го потврдуваат и неодамна објавените сателитски снимки.

Според новинската агенција „Милитарњи“, која се наоѓа на приближно 70 километри од украинската граница, тајната воздушна база се формира во близина на градот Алексеевка. Сателитските снимки прикажуваат различни фази на изградба, прикажувајќи го развојот на објектот, пренесува „defence-blog“.

Локацијата е позиционирана на приближно 9 километри западно од Алексеевка, каде што се наоѓа логистички центар за поддршка на воените единици на рускиот западен воен округ.

Подготвителните работи за изградба започнаа минатата година, а изградбата на патишта започна во јули 2023 година. Планирањето за идната писта беше речиси завршено до почетокот на зимата, а работите беа обновени на почетокот на април по пролетното затоплување.

Почнувајќи од 27 април 2024 година, пистата на аеродромот е подложена на поставување на основниот слој или бетонска покривка. Според снимките направени од сателит должината на пистата треба да биде приближно 1800 метри, доволна за сместување на различни типови авиони, вклучувајќи воени транспортни авиони како Ан-26, авиони за копнени напади како Су-25 и хеликоптери.

Алексеевка спаѓа во зона каде што се забранети цивилни летови над руска територија, мерка која се спроведува како одговор на војната во Украина.

Дел од познавачите тврдат дека овој нов аеродром се гради за воени цели, бидејќи во руските медиуми нема извештаи за развој на нов цивилен аеродром во регионот Белгород.