Сара Мејс ѕвезда на магичниот новогодишен концерт со Македонската филхармонија
Нашата пејачка и харфистка позната по своите несекојдневни музички вештини, Сара Мејс, постојано создава музика за уживање, како за себе, така и за своите обожаватели. Каде и да се појави, запее или засвири, таа едноставно ги маѓепсува сите присутни со својот извонреден талент.
За жал, оваа година немавме многу прилики да ја слушнеме нејзината музика во живо.
Македонската филхармонија на 24 декември го одржа традиционалниот новогодишен концерт со наслов „НОВА ГОДИНА – НОВ ПОЧЕТОК“. За жал, поради познатата ситуација со коронавирусот и мерките за безбедност оваа година, бројот на посетителите беше многу ограничен.
Диригент на концертот беше Џијан Емит. Свои солистички настапи имаа Дејан Бобиќ, Џон Илија Апелгрен, Полина Тасева, Калина Велковска како и Сара Мејс.
Покрај беспрекорната изведба, Сара Мејс изгледаше прекрасно во елегантен црвен фустан во комбинација со бела крзнена наметка и бели високи потпетици давајќи ѝ совршен празничен изглед.
За сите оние кои не присуствуваа на концертот, може да виртуелно да почувствувате дел од магичната атмосфера и да уживате во изведбите: