Салах најдобар фудбалер на сезоната во Премиер лигата
Египќанецот имаше уште една фантастична сезона, воедно се наоѓа во трката за три трофеи и „Златната топка“.
Фудбалерот на Ливерпул, Мохамед Салах е прогласен за играч на актуелната сезона во Премиер лигата, во изборот на тамошното Здружение на фудбалски новинари.
Досега напаѓачот на „црвените“ одигра 31 натпревар во најсилната англиска лига и запиша 22 голови и 13 асистенции. Во сите натпреварувања 29-годишниот играч имаше 44 мечеви, постигна 30 голови и асистираше 14 пати.
Моментно на табелата во Премиер лигата составот на Јирген Клоп, кој го продолжи договорот со клубот од „Енфилд“, заостанува само еден бод зад водечкиот Манчестер сити.
Оваа сезона Редси го освоија Лига купот, а се во конкуренција и за титулите во Лигата на шампионите и ФА купот. Минатата сезона за најдобар фудбалер беше избран одбранбениот играч на Сити, Рубен Дијаш.
👑 Mohamed Salah is the FWA player of the year!
⚽️ 22 Goals (Most in the Premier League)
🅰️ 13 Assists (Most in the Premier League)👏 What a player! pic.twitter.com/x8Fb1xSU6o
— talkSPORT (@talkSPORT) April 29, 2022