Руските сили повторно нападнаа енергетски објект во Нижинскиот округ во украинскиот Черниговски регион, оставајќи повеќе од 4.500 претплатници без електрична енергија, објавија украинските власти.

„Нижинскиот регион повторно е под оган, а енергетски објект повторно е погоден. Повеќе од 4,5 илјади претплатници се без електрична енергија“, соопшти електроенергетската компанија Черниговобленерго АД во порака на Телеграм, пренесува Укринформ.

Во соопштението се додава дека во тек се работи за обновување на енергетскиот систем.

Руските војници нападнаа и противпожарна станица во Семеновка, Черниговски регион, објави Државната служба за вонредни ситуации на Украина на Фејсбук.

Украинската железница утрово испрати предупредување дека рускиот напад го отежнал движењето на возовите во правец на Нижин, дека некои линии се пренасочени, а имало доцнења на други.

Утрово околу 7:30 часот, руски војници го нападнаа и Корабелниот округ во Херсон, а во гранатирањето загинаа две лица, а едно беше повредено, објави началникот на воената администрација на Херсон, Александар Прокудин, пренесува Укринформ.

Report by the Head of the Foreign Intelligence Service of Ukraine, Oleh Ivashchenko.

Our intelligence service is actively working with partners to prevent Russia from using so-called “shadow fleet” vessels for sabotage or other attempts to destabilize Europe. We provide all… pic.twitter.com/lqswOoRT9w

— Volodymyr Zelenskyy / Володимир Зеленський (@ZelenskyyUa) October 7, 2025

Во текот на ноќта, руски беспилотни летала го нападнаа и регионот Одеса, предизвикувајќи штета, објави началникот на администрацијата на воениот округ, Олег Кипер, на Телеграм.

Според него, прозорците на административната зграда на објектот за градежна инфраструктура и помошните простории биле оштетени, а пожарот што избувнал брзо бил изгаснат.
Нема повредени, нагласи Кипер.

Украинските сили за воздушна одбрана неутрализираа 154 од 183 беспилотни летала што Русите ги користеа за напад врз Украина во текот на ноќта и утрото, објавија Воздухопловните сили на украинската армија на Телеграм.