Денешната средба меѓу претседателите на Србија и Русија, Александар Вучиќ и Владимир Путин, доаѓа откако два скандала фрлија сенка на посетата, пишуваат денешните московски медиуми.

– Посетата на Вучиќ и неговите разговори во Сочи со Путин се од фундаментално значење, пишува „Комерсант”. Весникот наведува дека по двата големи скандали, кои влијаат на односите – шпионскиот и скандалот со српските мини во Украина – Самитот треба да одговори на главното прашање: дали Србија е подготвена да биде клучен сојузник на Москва во регионот или ќе продолжи да балансира меѓу Русија и Западот.

„Комерсант” наведува, повикувајќи се на неименувани извори блиски до властите во Белград, дека Србија и понатаму ќе се обидува да одржува рамнотежа во односите со Русија и Западот, избегнувајќи очигледно потпирање само на една страна.

РИА Новости објави дека серијата скандали во Србија, каде Москва „повторно е вклучена, е единственото нешто што фрла сенка на средбата меѓу Вучиќ и Путин “. Агенцијата оценува дека односите меѓу двете земји се под тест.

-Серијата настани оваа есен го означија односот на стратешките партнери во ново светло, се вели во соопштението на агенцијата, додавајќи дека експертите веруваат дека скандалите нема да влијаат на односите меѓу двете земји.