Руската РТ поднесе жалба до германскиот суд
Руската телевизија РТ денеска објави дека поднела жалба до германскиот суд да ја укине забраната за нејзино емитување што ја налути Москва и ја натера да ги затвори просториите на германската телевизија Дојче веле во Русија, пишува Ројтерс.
Германското тело за надзор на медиумите МАББ и Комисија за лиценцирање и надзор (ЗАК) на медиумските институции соопштија дека каналот на германски јазик на РТ, РТ ДЕ, не може да емитува програма во Германија користејќи српска лиценца.
Германија забрани емитување на руската телевизија РТ на германски
Во соопштението објавено на социјалните мрежи, РТ ја опиша забраната како „незаконска“ и рече дека очекува таа да биде поништена.
Москва минатиот четврток соопшти дека ги затвора просториите на Дојче веле во Русија и ја одзема акредитацијата на нејзиниот персонал како одмазда.
Русија го забрани германскиот меѓународен радиодифузер Дојче веле