„Националниот музеј на уметност во украинскиот град Одеса на 6 ноември полни 124 години. Русите „му честитаа“ на нашиот архитектонски споменик со проектил кој падна во близина“, вели Олех Кипер, гувернер на регионот Одеса, на апликацијата за пораки Телеграм.

-Оштетени се ѕидовите на зградата, искршени се некои прозорски стакла, додаде тој.

Кипер подоцна изјави дека над градот биле уништени 15 дронови лансирани од Русија. Оштетени се неколку станбени шупи, а магацинот и камионите со жито беа зафатени од пожар, кој набрзо беше изгаснат.

The invaders attacked the art museum in #Odesa at night. A special commission determines the degree of damage to the exhibits. pic.twitter.com/Q5klUtjksD

— NEXTA (@nexta_tv) November 6, 2023

Националниот музеј во Одеса, една од најстарите палати во градот, имаше повеќе од 10 илјади експонати пред војната, вклучувајќи слики од некои од најпознатите руски и украински уметници од крајот на 19 и почетокот на 20 век.

Градскиот совет објави снимка на која се гледаат скршени прозорци и остатоци во музејот.

На улиците до музејот, нападот остави дупка длабока неколку метри. Според градските власти, таму е повредено едно лице. Кипер рече дека сите пет повредени лица се хоспитализирани.