На поранешниот фудбалер на Барселона, ПСЖ, Милан, вчеравечер конечно му беше дозволено да го напушти домашниот притвор што го издржуваше во луксузен хотел во Асунсион, Парагвај.

Роналдињо заедно со неговиот брат Роберто де Азис беа уапсени на 6. март кога се обидоа со лажни пасоши да влезат во Парагвај.
Роналдињо во затвор помина 32 дена, а откако плати кауција во висина од 1.6 милиони долари беше пуштен во домашен притвор кој го издржуваше во хотел во Асунсион.

Како што пренесува Ројтерс, судот во Асунсион се согласил да ги повлече обвинувањата против Роналдињо и го ослободи од било каква одговорност за криминалниот акт за кој се правдаше дека не знаел оти пасошите биле фалсификувани. Исто така Роналдињо е должен да плати 90.000 долари за судски трошоци, а сумата ќе биде доделена на хуманитарни организации.