Ролан Гарос: Ѓоковиќ му препушти само пет гема на Галан
Првиот носител на грен слем турнирот во Париз се пласира во осминафиналрто откако го совлада Даниел Галан со 6:0,6:3,6:2.
Новак Ѓоковиќ по 11. пат едноподруго ќе игра во осминафиналето на Ролан Гарос, откако работата во третото коло ја заврши за два часа и седум минути.
Ѓоковиќ одлично го започна дуелот со Галас, ги освои сите 10 поени кога отсервира прв сервис, а направи и 10 винери кои беа доволни за убедлив триумф од 6:0 во првиот сет.
Во вториот сет отпорот на Колумбиецот беше далеку поголем, но искуството и квалитетот на најдобриот тенисер на светот беше пресудно за да го освои и вториот сет.
На стартот од третиот сет, Галан се закани и имаше две брејк топки но не успеа да ги реализира. За казна Ѓоковиќ веднаш направи брејк, поведе со 3:0 и рутински го приведе мечот до крајот.
Дуелот го одбележа прекинот поради дождот и критиките на Ѓоковиќ кон организаторот. Српскиот тенисер бараше веднаш да се затвори кровот на теренот „Филип Шатрие“ но организаторите не го послужаа и тоа можеше да доведе до повреда на Галан кој во еден момент се лизна, но за среќа избегна повреда.
— doublefault28 (@doublefault28) October 3, 2020
Потоа Ѓоковиќ ја зеде четката и помогна да се поправи оштетениот дел од теренот.
If tennis doesn’t work out, we have a job for you @DjokerNole ? ?#RolandGarros pic.twitter.com/B56ubcRQSS
— Roland-Garros (@rolandgarros) October 3, 2020
Нареден противник на српскиот тенисер ќе биде Карен Качанов кој во четири сета (6:2,3:6,6:4,6:2) го победи Гарин од Чиле.
Пласман во осминафиналето без многу борба обвезбедија Григор Димитров и Стефанос Циципас бидејќи нивните противници, Бедене односно Карбаљес Баена ги предадоа дуелите во третиот сет.
Кај дамите Петра Квитова во два сета со 7:5,6:3 беше подобра од Фернандез, додека поранешната шампионка на Ролан Гарос, Јелена Остапенко е елиминирана од Бадоса (4:6,3:6).