Третиот тенисер во светот Карлос Алкараз го совлада Стефанос Циципас со 3:0 (6:3, 7:6, 6:4) и се пласираше во полуфиналето на „Ролан Гарос“. Ова беше шеста средба меѓу Шпанецот и Гркот, а Алкараз до сега беше поуспешен на сите.

Рутински Алкараз го доби Циципас, победата никогаш не беше доведена во прашање, а во борбата за финалето на вториот Грен слем сезонава ќе се бори против Јаник Синер, новиот крал на светскиот тенис.

Минатата година Италијанецот и Шпанецот играа во четврт-финалето во Париз, а третиот тенисер во светот рутински победи со 3:0. Ова ќе биде „финале пред финалето“, а по откажувањето на Новак Ѓоковиќ, победникот од овој меч се очекува да биде првиот фаворит за титулата.

The chase keeps on going ??#RolandGarros pic.twitter.com/QGuBdBuPeY

— Roland-Garros (@rolandgarros) June 4, 2024

Вториот полуфинален пар кај мажите ќе се дознае в среда, подобриот од мечот меѓу Александер Зверев и Алекс Де Минор ќе игра против Каспер Руд.

Во женска конкуренција го дознавме првиот полуфинален меч, првата носителка Ига Швјонтек ќе се соочи против третата тенисерка на светот Коко Гоф.

Американката Гоф со 4:6, 6:2 и 6:3 ја елиминираше Тунижанката Унс Жабер, додека Швјонтек од Полска убедливо со 6:0 и 6:2 триумфираше над Маркета Вондроушова од Чешка.

Втората полуфинална пресметка ќе ја дознаеме в среда по мечевите Жасмин Паолини – Елена Рибакина и Мира Андреева – Арина Сабаленка.