Родителите со петиција бараат конкретни мерки за безбедност на децата во Дебар Маало
Родители на ученици од основното училишта „Коле Неделковски“ со петиција побараа полицијата редовно да патролира на локациите во општина Цнетар каде се собираат младите, нивна едукација за препознавање на деликвентни појави и разни облици на насилство и педофилија, видео надзор и контрола во и надвор од училиштата, како и измени на законите со цел да се формира комунална полиција во рамките на локалната самоуправа.
Општина Центар им даде целосна поддршка на потписниците на петицијата , во која како родител се потпиша и градоначалникот Горан Герасимовски.
Петицијата која е доставена до МВР, МОН, Министерството за труд и социјална политика, Министерството за локална самоуправа и Општина Центар е резултат на загриженоста на родителите за безбедноста на децата во реонот на Дебар Маало откога пред два месеци тие алармираа за насилство и девијантни однесувањана малолетници.
Општина Центар е отворена за институционална соработка со цел да им се излезе во пресрет на граѓаните за безбедност на нивните деца, по алармот на родителите и по немилите настани кои се случија во реонот на Дебар Маало и кругот на училиштето „Коле Неделковски“.