Ремдесивирот отфрлен како лек против ковид-19 и од новата препорака на СЗО
Светската здравствена организација го обнови водичот за лекување на Ковид-19 при што препорачува да не се применува „Ремдесивир“ за лекување на хоспитализирани пациенти, без оглед во која фаза од болеста се, објави Си Ен Ен.
Експертите нагласуваат дека има сериозни нус ефекти од овој лек.
Ремдесивирот е создаден во текот на епидемијата на ебола во Африка и е продаван од лабораторијата Гилиад под трговското име „Веклури“.
Според новиот ревидиран правилник, објавен во четвртокот во медицинскиот журнал БМЏ, нема докази дека ремдесивирот го намалува ризикот од смртен исход кај заразени од ковид-19 или пак на оние на кои им треба механичка вентилација.
Македонија бара 3.600 дози од спорниот Ремдесивир, еве колку ќе чини тоа
Министерството за здравство за „Слободен печат“ минатиот месец соопшти дека доставиле барање за 3600 дози од лекот Ремдесивир, односно за период од 6 месеци, по цена од 345 евра која е еднаква за сите 36 земји кои го потпишаа Договор за заедничко купување на лекот со компанијата „Гилиад“.
Во Македонија лекот се користи исклучиво при болничко лекување на пациентите на државните клиники, а многу граѓани во изминатиов период се обидоа да го набават од Косово и од Турција за лекување на своите блиски хоспитализирани на приватните клиники во Скопје.
„Фавира“ достапен и за Македонците на црниот пазар во Косово за 500 евра!