Реџепи: Ќе прифатам да се укине техничката влада ако сите гласаат за уставни измени
Претседателот на Движењето на народот, Скендер Реџепи-Зејд пред почетокот на лидерската средба во изјави дека не очекува некоја драстична промена оти, како што рече, има дијаметрални спротивни ставови околу изборите.
-Не очекувам некоја драстична промена или одлука од денешниот состанок од причина што има дијаметрални спротивни ставови околу изборите и Изборниот законик – рече Реџепи.
Тој ќе ќе го поддржи барањето на ВМРО-ДПМНЕ за укинување на техничката Влада само ако сите присутни на лидерската прифатат измени на Уставорт.
-Меѓутоа, евентуалното барање на ВМРО-ДПМНЕ за укинување на техничката Влада би го поддржал, без друго, под услов првенствено сите денеска да одлучиме за уставни промени, со тоа што ќе одиме на нови избори. Со уставни промени за една европска Македонија – рече Реџепи.
Тој верува дека ќе има согласност за изборите да се одржат околу мај.