Многумина од нас одбегнуваат да прават традиционални десерти за големи празници како Велигден од едноставна причина – стравувајќи дека нема да бидат толку вкусни како оние што ги печеле нашите мајки и баби.

Но, вистинско време е да се охрабрите и да се впуштите во мала кулинарска авантура! Каква би била празничната трпеза без традиционален колач со орев или афион?

Колач со ореви

Состојки за тестото:
– 30 г свеж квасец
– 400 г брашно
– 80 г путер
– 80 г шеќер
– 2 жолчки
– прстофат сол
– кора од лимон
– 2,5 дл млеко

Полнење со морско оревче:
– 400 г ореви
– 300 г шеќер
– 100 г суво грозје
– 2 дл млеко
– кора од лимон
– цимет
– малку рум
– ванилин шеќер

Подготовка:

Промешајте го квасецот со малку шеќер, брашно и млака вода, па оставете го покриен на топло место да нарасне. Во сад се става брашното, се додава растопениот путер, шеќерот, жолчките, солта и кората од лимон. Малку измешајте, па додајте го квасецот. Додајте го и млекото и добро измешајте го тестото за да биде меко и оставете го да стаса (најмалку еден час). Потоа, лесно замесете го, поделете го на два дела и расукајте го на набрашнета подлога. Премачкајте го со филот, свиткајте го и внимателно ставете го во подмачкан плех и оставете го на топло да нарасне уште 15-тина минути. Печете околу 50 минути во загреана рерна на 180 степени. Кога ќе се испече, зашеќерете го колачот додека сè уште е топол.

Полнење:

Измешајте ги мелените ореви со шеќерот, измиеното суво грозје, кора од лимон, цимет, малку рум и ванилин шеќер. Смесата прелијте ја со врело млеко и оставете да се излади. Кога тестото ќе се излади, премачкајте со филот.

Рецепт за колач со афион

Направете го тестото за колачот со афион на ист начин како претходниот рецепт.

Полнење:

– 300 г афион
– 0,25 млеко
– 250 г шеќер
– 40 г суво грозје
– цимет
– кора од лимон

Полнење:

Мелениот афион сварете го со млеко, додајте го шеќерот, сувото грозје, ренданата кора од лимон и цимет, а изладениот фил премачкајте го преку тестото.