Реал Мадрид постигнал усмен договор со претставниците на Ерлинг Халанд и на лето ќе биде во најдобра позиција да дојде до потписот со одличниот напаѓач.

Каталонскиот весник „Спорт“ тврди дека претставниците на Реал Мадрид во Монте Карло имале „клучен состанок“ со бразилската адвокатка Рафаела Пимента, која е десна рака на Мино Рајола, агентот на Халанд.

Причината за средбата на претставниците на Реал со Пимента е бидејќи Рајола се наоѓа во Милано каде се опоравува од малиот оперативен зафат.

На средбата во Монте Карло начелно е договорено Реал Мадрид да има приоритет во преговорите иако е нагласено дека последниот збор за евентуалниот трансфер ќе го има самиот фудбалер.

Според „Спорт“ Реал Мадрид нема да има никакви проблеми со Борусија Дортмунд да се договори околу отштетата бидејќи двата тима имаат добри односи и соработка. Иако откупната клаузула изнесува 75 милиони евра, Реал ќе се обиде да плати помалку така што во евентуалниот трансфер би го вметнал Лука Јовиќ.
Доколку успее да дојде до потписот со Халанд, Реал Мадрид од следната сезона би требало да има пеколен тандем во нападот бидејќи наводно се е договорено со Килијан Мбапе кој исто така треба да се пресели на „Сантијаго Берднабеу“.