Распишана потерница по Робињо, кој е осуден на девет години затвор!
Поранешниот бразилски фудбалер Робињо ја загуби последната жалба во случајот во кој му се суди за силување, па Обвинителството во Милано распиша меѓународна потерница за 37-годишниот за силување девојка (23), заедно со неговиот пријател Рикардо Фалко.
Случајот со групно силување се случи во 2013 година во ноќен клуб во Милано, а четири години подоцна се појави на суд, за да добие епилог половина деценија подоцна.
Пораката на Робињо што ја испратил до пријателите кога случајот бил пријавен во полиција била искористена како еден од доказите во случајот.
– Смешно е и воопшто не ми е грижа, бидејќи жената беше пијана, не ни знае што се случило – напиша Бразилецот.
Засега нема реакција од бразилските власти на барањето на Италијанците, а причината е што државниот закон вели дека е забранета екстрадиција на бразилски државјани во други земји.
Но, доколку Робињо се случи да ја напушти својата татковина и да зачекори во која било друга земја, тој ќе биде уапсен.
Italian prosecutors demand the extradition of Robinho to serve a nine-year prison sentence for rape https://t.co/oGbfmOWV3t
— MailOnline Sport (@MailSport) February 15, 2022