Првиот светски рекет Ѓоковиќ нема да игра на мастерсот во Мајами
Новак Ѓоковиќ нема да учествува на Мастерс турнирот во Мајами, одлука што изненади голем број на фанови на српскиот тенисер.
Во Индијан Велс, прворангираниот на АТП листата неочекувано го заврши учеството веќе во третото коло со пораз од Лука Нарди.
– Мајами е тука, ајде да видиме. Пред десетина минути бев на теренот, главата сè уште ми е малку жешка. Морам да одвојам ден-два, а потоа да видам што сакам да направам понатаму – изјави Ѓоковиќ веднаш по поразот од Италијанецот.
Ѓоковиќ е шесткратен шампион во Мајами, а тој турнир ќе се игра во периодот од 20 до 31 март.
Сега српскиот ас се подготвува за земјена подлога, а прв на програмата треба да биде Монте Карло кој ќе стартува на 7 април.
🚨
Novak Djokovic has withdrawn from Miami 🇺🇸🇷🇸 pic.twitter.com/aMaH1y0YuA
— Olly 🎾🇬🇧 (@Olly_Tennis_) March 14, 2024