Македонскиот репрезентативец Андреј Јакимовски и неговиот Тренто конечно ставија крај на серијата неуспеси и стигнаа до првиот триумф сезонава во Еврокупот, славејќи на тешкото гостување во Подгорица кај Будуќност со 96-107.

Клучниот момент на мечот се случи во третата четвртина, кога италијанскиот состав одигра речиси перфектно на двата краја од теренот. Јакимовски и соиграчите го добија тој период со убедливи 12-30, што се покажа како недостижна разлика за домашниот тим.

Одличен натпревар одигра и македонскиот кошаркар, кој со 15 поени беше втор најпрецизен кај победничкиот тим, веднаш зад Џоунс кој уфрли 24. На другата страна, најдобар стрелец кај Будуќност беше Мејс со 22 поени, но неговиот учинок не беше доволен за да се избегне поразот.

Фото: Спорт.ком.мк