MЗТ Скопје во денешниот натпревар против Еуро Никел беше подобар со 71:61 и така стигна до четвртата победа во македонската Прва лига.

Еуро Никел даде голем отпор во првата четвртина во која имаше и водство од 13-11, но потоа МЗТ Скопје ја врати предноста (14-13) и ја задржа до крајот на првите 10 минути (20-17). Голема битка се водеше на паркетот и во продолжение, а на полувреме со водство од 33-25 замина тимот од Аеродром.

Гостите на почетокот на вториот дел намалија на четири разлика (29-33), но потоа МЗТ Скопје влезе во одличен ритам и набрзо создаде водство од +16 (51-35) со што стана јасно дека се на чекор до победата.

Скопската екипа за момент се опушти во завршницата од мечот и им дозволи на гостите да намалат на 47-51, но потоа следеше серија од 10-0 (61-47) по што Еуро Никел повеќе не можеше да се врати резултатски во дуелот (71-61).

Во редовите на МЗТ најефикасен беше Душан Танасковиќ со 18 поен, 12 скокови и две асистенции. Макс-Смит-Меквен беше најрасположениот во редовите на Еуро Никел со постигнати 30 поени.

Феникс приреди изненадување и го совлада фаворитот Гостивар со 66:64 и тоа беше најголемото изненадување во петтото коло од Првата лига.

Натпреварот во најголем дел од периодот беше изедначен, а на крајот Феникс беше подобар во завршницата за изненадувачки триумф. Џозеф Рис и Метјус Кларкс со по 16 поени беа најефикасни кај Феникс, додека Максим Митевски додаде 18 за Гостивар.

Во останатите натпревар Работнички го доби Вардар во скопската пресметка со 68:119, ТФТ Скопје славеше над Кожуф со 55:64, додека Пелистер го совлада Охрид со 97:57