Мерилин Монро била вистинска холивудска ѕвезда, феномен на кинематографијата и фатaлна жена во која се заљубувале мажите ширум светот.

Монро често ги откривала своите тајни на убавина, па веќе знаеме дека го потопувала лицето во сад со млака вода, никогаш не сакала да се сонча и користела 5 различни бои на кармини за да ги нагласи усните.

Меѓутоа, како успевала да има младешка и блескава кожа?

Овој трик го открила 86-годишната актерка Рене Тејлор во текот на говорот на 50-годишнината од постоењето на театарскиот и филмски институт Ли Стразберг.

Имено, при една средба кога ја прашала во што е нејзината тајна, Мерилин ѝ одговорила дека секое утро го мачка телото со вазелин, а потоа ужива во 3-часовна купка.

Вазелинот е инаку економично решение за длабинска хидратација на кожата и е особено корисно за омекнување на проблематичните делови на телото како што се лактите и колената.

Се користи и како балсам за усни, ја штити кожата создавајќи непропустлив слој, ги намалува брчките и ја чува нејзината еластичност.