МВР информира дека привело две лица осомничени за „тешка кражба” во дом на скопјанец, кои заедно со веќе осудено лице, ги продале украдените предмети.

Од МВР соопштија дека полицајци од Полициското одделение – Шуто Оризари ги лишиле од слобода М.М. (19) и С.Б. (23), двајцата од Скопје, поради постоење основано сомнение дека на 14 јануари 2021 извршиле кривично дело „тешка кражба” од домот на К.Д. (35) од Скопје.

– По спроведени мерки и активности било констатирано дека трет соучесник во кривичното дело е А.Д. (19), кој од пред 10 дена е на издржување на затворска казна. Во врска со случајот бил повикан и Д.М. (33) од Скопје, кој ги откупил предметите претходно украдени од трите лица и од него се одземени дел од нив и ќе бидат вратени на сопственикот, се наведува во соопштението на полицијата.

По документирање на случајот против М.М., С.Б. и А.Д. ќе биде поднесена пријава по член 236 од Кривичнито законик за „тешка кражба”, а против Д.М. по член 261 „прикривање” од Кривичниот законик