Приведени двајца крадци за извршени 17 кражби
Жител на кичевското село Арангел, по кого била распишана потерница за издржување затворска казна во траење од 12 години, е уапсен во селото Колибари.
Според МВР, вчера околу 15.30 часот во селото Колибари е уапсен А.Е. (24) од кичевското село Арангел, за кого била распишана потерница за издржување казна затвор од 12 години во затворот „Идризово“.
Во октомври, ноември и во првите денови од овој месец, А.Е. со уште две лица од Гостивар, извршиле 17 кривични дела тешки кражби и кражби на подрачјето на селата Зајас и Осломеј.
Во полициската акција бил уапсен и З.И.(25) од гостиварското село Дебреште.
За преземените активности МВР го известило ОЈО.
Од полицијата велат дека по целосно документирање на случаите, против лицата ќе бидат поднесени пријави.