Познато зошто му пропадна трансферот во Сити: Пеп не му гарантирал ништо на Роналдо
Една од трансфер сагите во летниот преоден рок заврши вчера, Кристијано Роналдо по 12 години се врати во Манчестер јунајтед.
Португалецот вчера наутро си замина до Јувентус, ја испразни соблекувалната, го посети тренинг кампот за да се поздрави со довчерашните соиграчи и со приватен авион се упати кон Англија.
Речиси сите медиуми сметаа дека негов нов клуб ќе биде Манчестер сити, но неколку часови подоцна се случи фудбалски земјотрес, Кристијано Роналдо стана нов играч на Манчестер јунајтед.
Англиските медиуми тврдат дека клучната улога во одлуката на Роналдо да се врати на „Олд трафорд“ ја одиграл легендарниот менаџер на екипата, сер Алекс Фергусон кој имал телефонски разговор со Португалецот по кој паднала кој ќе биде неговиот иден клуб.
Но, италијанскиот весник „Ла Република“ објави дека од претходно било познато дека Роналдо нема да потпише за Манчестер сити. Весникот објави транскрипт од разговорот на Роналдо со менаџерот на Манчестер сити, Пеп Гвардиола поради кој Португалецот не потпиша за „граѓаните“.
– Доколку пристигнеш кај нас, ќе се обидеме да соработуваме, но ништо не можам да ти гарантирам – му рекол Гвардиола на Роналдо што го натерало Португалецот да ја прифати понудата на Манчестер јунајтед да се врати на „Олд трафорд“.