Без дилеми, Ева Карнеиро е најпознатата докторка во светот на фудбалот, без разлика што подолги години не е активна на терените, но во новата сезона би можела да се врати.

Англиските медиуми пренесуваат дека Карнеиро би можела да започне со работа во Турција и тоа во редовите на гигантот Фенербахче. Според најавите 49-годишната Карнеиро ќе биде прв доктор на фудбалскиот тим.

Во периодот од 2009 до 2015 година Карнеиро беше дел од Челси и секогаш го привлекуваше вниманието со својот атрактивен изглед. Од Челси си замина по конфликт со Жозе Мурињо кој тогаш ги водеше „сините“, освен Челси работеше и во Вест Хем.

Кога е Фенербахче во прашање, ќе потсетиме дека македонскиот репрезентативец, Езгјан Алиоски вчера и официјално се збогуваше со турскиот гигант.