Поранешниот фудбалер на Црвена звезда, Илија Најдоски остана во убаво сеќавање на сите навивачи во 1991. година кога со „црвено-белите“ ја освои титулата шампион на Европа и светот.

Денеска ќе се игра претпоследното петто коло во групата „Б“ од Лигата на шампионите, Црвена звезда и натаму ги одржува шансите за второто место кое води во нокаут-фазата, иако поголема е веројатноста да се бори за третата позиција која води во Лига Европа.

Моментно на табелата води Баерн Минхен со 12 бодови и обезбеди настап во нокаут-фазата, Тотенхем е второпласиран со седум, следуваат Црвена звезда (три) и Олимпијакос (еден).

"Čitav Bajernov tim je na travi! " ??⚪?

1️⃣9️⃣9️⃣1️⃣

? ⚪ #fkcz pic.twitter.com/laUcHiYbzW

— FK Crvena zvezda (@crvenazvezdafk) November 24, 2019

Вечерашниот дуел меѓу Црвена звезда и Баерн ќе се игра во Белград на стадионот „Рајко Митиќ“ од 21.00 часот, а во истиот термин во Лондон Тотенхен на новиот менаџер Жозе Мурињо ќе ги одмери силите против грчкиот Олимпијакос.

– Оваа генерација ги направи горди сите навивачи на клубот кој го врати во самиот крем на европскиот фудбал. Тој континуитет и искуство е многу значајно за клубот, играчите, а на нам навивачите ни донесе незаборавните моменти. Баерн е институција, еден од најдобрите клубови на планетата и секој позитивен резултат ќе биде вистинско богатство за целта која сите ја посакуваме, а тоа е европска пролет. Звезда со пласманот во ЛШ веќе ја направи сезоната успешна, секој плус ќе биде бонус, но и знак дека клубот расте – рече Најдоски за клупскиот сајт.

Екс репрезентативецот на Југославија и Македонија има чувство дека српскиот шампион ќе успее против германскиот гигант.

Nebo nek se otvori opet! ? ⚪ ? ⛈️

? ⚪ #fkcz pic.twitter.com/oADATLLkI4

— FK Crvena zvezda (@crvenazvezdafk) November 25, 2019

Во таа историска сезона во тогаш Куп на Европските шампиони (сега ЛШ), на првиот дуел во Минхен славеше Црвена звезда со 1:2, а на реваншот во една фантастична атмосфера беше елиминиран бундеслигашот.

При негатива од 1:2, Србите успеаја да израмнат на 2:2 после една грешка на противничкиот голман.

– Кога топката влезе во мрежата, ми падна камен од срцето, незаборавно славје. Фудбалот ги цени храбрите и почитуваните. Нашата генерација беше таква, затоа сè ни се врати таа ноќ, а подоцна и во финалето во Бари. Затоа ги советувам сегашните играчи на Звезда да бидат паметни, смирени, да не ги понесе атмосферата, туку таа енергија од трибините и со додатна сила да дојдат до својата цел и ни донесат радост. Имам чувство дека ќе успеат – додаде Најдоски.