Мелинда Френч Гејтс во својата нова книга „Следниот ден“, која ќе биде објавена на 15 април 2025 година, отворено зборува за распадот на нејзиниот 27-годишен брак со Бил Гејтс и за емотивните предизвици со кои се соочила во текот на тој процес.

Како што беше откриено во интервју за списанието „Пипл“, Мелинда опишува како нејзиниот развод со Бил Гејтс траел една година во тајност пред да биде објавен во мај 2021 година. Мелинда откри дека кон крајот на 2019 година почнала да има кошмари за „убава куќа која се урива околу неа“, што подоцна го сфатила како потсвесен сигнал со дека со нејзиниот брак нешто не е во ред.

Клучниот момент се случи за време на заедничкиот одмор во Ново Мексико во февруари 2020 година. Последната ноќ од патувањето, Мелинда му рекла на Бил дека сака да почне да живее одвоено и дека ќе остане во нивниот дом со нивната најмлада ќерка Фиби, која во тоа време била матурантка. Мелинда го опишува разговорот како „еден од најстрашните разговори што некогаш ги имала“, додавајќи дека Бил има разбирање и покрај сè. Поради се почнала терапија која ја опишала како нејзин одговор „на предавствата во бракот и обидот да не се изневери себеси“.

По враќањето во Сиетл, парот продолжи да работи заедно во нивната глобална фондација Гејтс, па дури и јавно се појавуваа заедно, иако ситуацијата понекогаш беше непријатна бидејќи, освен неколку луѓе, никој не знаеше што навистина се случува. Тоа лето Мелинда конечно му рекла на Бил дека сака развод, по што имале долг, па дури и повремено „нежен“ разговор.

Сепак, Мелинда знаеше дека месеците што следат ќе бидат тешки. „Бил има репутација на еден од најтешките преговарачи во светот“, пишува таа, додавајќи дека „почнала да има напади на паника“. Во својата книга таа споменува и други напади на паника што ги доживеала: во 2006 година кога мислела дека нивниот син Рори, кој сега има 25 години, ќе падне од работ на балон со топол воздух; и повторно околу Новата година 2014 година, додека таа и Бил ја прославуваа 20-годишнината од бракот во Мексико.

Процесот на финализирање на нивниот развод бил „исцрпувачки“ и изненадувачки долг, пишува Мелинда. Откако беше постигнат договорот, работите брзо тргнаа. Тие го искористија викендот за да известат некои луѓе блиски до нивната фондација, а следниот ден, 3 мај 2021 година, објавија заедничко соопштение.

Мелинда во интервју за списанието „Пипл“ изјави дека „потребна е храброст да се создаде поинаков живот“ и дека нејзиното ново поглавје, вклучително и донирање милијарди, покажа дека „кога ќе го смените својот пат, сфаќате дека тоа е големо отворање“.

Денес, речиси четири години по нивниот развод, Бил и Мелинда продолжија со својот живот. Мелинда е во врска со претприемачот Филип Вон, додека Бил се забавува со Пола Херд, поранешна директорка и вдовица на извршниот директор Марк Херд, од 2023 година. И покрај разводот, парот продолжува да ги одгледува своите деца заедно и да остане професионални партнери во фондацијата Бил и Мелинда Гејтс, една од најголемите филантропски организации во светот.

 

View this post on Instagram

 

A post shared by Melinda French Gates (@melindafrenchgates)

ФОТО | Мелинда и Бил Гејтс објавија фотографии од првото внуче