Поради безбедносни причини откажана посетата на хрватскиот претседател Милановиќ на БиХ
Посетата на претседателот на Републиката Зоран Милановиќ на Босна и Херцеговина и патувањето по повод 28-годишнината од хуманитарниот конвој „Белиот пат до Нова Била и Босна Сребрена“ е откажана поради безбедносни причини, соопшти утринава Кабинетот на хрватскиот претседател.
Одлуката за откажување на посетата била донесена по оспежната безбедносна проценка на надлежните институции на Република Хрватска, се додава во соопштението без да се наведат други детали.
„Претседателот Милановиќ жали што нема да учествува на одбележувањето на овој значаен настан за Хрватите од долината Ласва и изразува силна поддршка и благодарност до организаторите на комеморацијата за зачувување на споменот на хуманитарниот конвој „Белиот пат до Нова Била и Босна Сребрена“.
Тензиите во Босна и Херцеговина изминативе месеци се интензивираа на релација Република Српска и Федерацијата на Б и Х, особено на релација Сараево Бања Лука, пред се поради настојувањето на лидерот на Босанските Срби Милорад Додик да ја децентрализира власта во Сараево и дел од надлежностите да ги префрли на Бања Лука. Паралелно со овие „препукувања“ изминатиот период додје и до војна на зборови меѓу Додик и Милановиќ пред се околу статусот на хрватскиот ентитет кој живее во босаснско херцеговската федерација