Полупразни бонбониери го преплавија бугарскиот пазар, пакувањето тежи повеќе од чоколадото!
Бомбониерите стануваат се пообемни, а чоколадните бонбони – се помалку и по број и по тежина. Ова го открива новата пазарна студија на „Активни потрошувачи“. Невладината организација веќе долги години тестира различни намирници.
Благодарение на нејзиното истражување, бугарските потрошувачи научија многу – на пример, дека кај некои видови сирење количината на вода е речиси исто колку и кај краставиците, а дека некои колбаси тешко можат да се наречат месни производи. Новата студија на „Aктивни потрошувачи“ е посветена на чоколадите. Овојпат, сепак, фокусот не е на квалитетот на бонбоните, туку на тренд кој го зазема пазарот – пакувањата стануваат пообемни и сјајни, а содржината се намалува. Невладината направи споредба на 39 марки на бонбониери кои масовно се продаваат во супермаркетите.
Резултатите се детални и претставени во табеларна форма на нивната страница. Студијата покажува шокантни работи – на пример, кутија бонбони во која тежината на чоколадите е 177 гр, а на пакувањето – 199 гр.
Од сите 39 „примероци“, само во два процентот на полнење е над 50 проценти. Има пакувања во кои бонбоните се само 6-7 проценти од волуменот, остатокот е картон, различни видови фолија, влошки, „канапе“, хартиени обвивки, целофан. Од „Активни потрошувачи“ решиле да го направат истражувањето бидејќи почнале да добиваат се повеќе поплаки од луѓе кои го опишуваат истото – решиле да ги почестат колегите или пријателите за одмор, купиле голема луксузна кутија бонбони, а кога го отвори – имаше само неколку бонбони внатре.
Клиентите обично се измамени од големите „големини“ и убавото пакување. Овој маркетиншки трик очигледно функционира бидејќи кондиторската индустрија произведува се повеќе полушупливи бонбониери, пренесува „Сега.бг.њус“.