Полската влада најави големи нови инвестиции во домашната индустрија за оружје, велејќи дека гради „нов, огромен производствен потенцијал“. Полска ќе го докапитализира производителот на воена опрема „Хута Сталова Вола“ со околу 125 милиони евра, објави денеска премиерот Матеуш Моравјецки, според извештајот на полската новинска агенција ПАП.

Ова е само прва транша инвестиција, а ќе следи нова, која ќе се мери во стотици милиони евра, додава премиерот. „Создаваме нов, огромен производствен потенцијал во нашата земја“, рече Моравјецки.

Фабриката „Хута Сталова Вола“ се наоѓа во југоисточна Полска и е во мнозинска сопственост на државата. Индустрискиот комплекс вклучува и железара, а основан е пред Втората светска војна.

Опсегот на производители на воена опрема денес ги вклучува самоодната хаубица „АХС Крул“ од 155 мм, самоодната хаубица АХС Краб и повеќецевниот ракетен фрлач WR-ВР – 40 Лангуста.

Ќе се зголеми производствениот капацитет на хаубиците Краб, најави Моравјецки при посетата на фабриката. Полската армија нарачала 48 хаубици за своите залихи, а поголем број од нив веќе и се испорачани на Украина како дел од договорот за набавка со Киев. Полска е членка на НАТО од 1999 година, потсетува агенцијата ДПА.