Како што веќе е објавено неколку пати, Пол Погба е пред заминување од Манчестер јунајтед со кој според првите најави нема намера да го продолжи договорот, а исто така и неговите тимски колеги се против негово останување.

Сите дилеми ќе се решат во јуни кога се очекува Реал Мадрид и Јувентус за услугите на францускиот интернационалец да ги испратат своите официјални понуди.

Италијанските шампион се подготвени да го вратат својот поранешен играч, иако и тренерот на „кралскиот“ клуб Зинедин Зидан го посакува својот сонародник.

Paul Pogba has been linked with a Man Utd exit for months with Real Madrid and Juventus most heavily linked https://t.co/Fg2Imy1E4E

— The Final Whistle (@finalwhi) February 6, 2020

Познати се и бројките, Погба вреди 250 милиони евра кога ќе се соберат финансиските примања и обесштетувањето.

Сумата која Јунајтед ја бара е околу 100 милиони евра, бидејќи паѓа цената на фудбалерот, до крајот на договорот ќе има две години, а самиот Погба сака 15 милиони нето по сезона..

Во Италија со даноци е тоа околу 23 милиони годишно, се претпоставува дека договорот би бил на четири сезони.

Кога на тоа ќе ги додадете и останатите трошкови, покрај провизијата на Рајола, нештата се јасни, во евентуалниот трансфер би требало да бидат вложени околу 250 милиони евра.

Кога Реал е во прашање, поради даноците таа сума е и поголема, Перез не е толку оптимист, но Зидан размислува позитивно.