Од изјавите на претставниците на Владата е се поизвесно дека за неполни два месеца и домаќинствата ќе имаат нова цена на електрична енергија.  Од Министерството за економија, во изјава за „Слободен печат“ велат дека ако треба, подготвени се со ваучери да го помогнат населението да го амортизира ценовниот шок.

– Доколку е тоа потребно, како што и претходно беше посочено од премиерот Зоран Заев, подготвени се посебни пакети како ваучери за домаќинствата кои од економско-социјален аспект ќе ја компензираат евентуалната разлика во цената како инструменти за поддршка на граѓаните – изјавија од Министерството.

Колку ќе биде зголемувањето допрва треба да се направат пресметките, но уверувањата од министерот за економија Крешник Бектеши се дека „тоа нема да биде такво зголемување како што тврдат некои експерт и особено претставници на опзоицијата“.