Почина маж, а жена се бори за живот пo пад од зграда во центарот на Скопје
Вчера попладне пред зграда во центарот на Скопје биле пронајдени починат маж и тешко повредена жена. Двајцата претходно паднале од тераса во зградата а полицијата сѐ уште истражува дали заедно скокнале, односно дали се работи за обид за двојно самоубиство.
На 12.02.2023 во 12:57 часот во СВР Скопје било пријавено дека пред зграда на бул.„Климент Охридски“ биле пронајдени паднати Ф.М.(47) и К.Г.(39), двајцата од Скопје. Лекар од Итна медицинска помош кај Ф.М. констатирал смрт, а К.Г. со тешки телесни повреди била пренесена во Комплексот клиники „Мајка Тереза“ за укажување помош, се вели во соопштението од МВР.
Неофицијално, се работи за Филип М., познат креативец и музичар, и Кристина Г, членка од македонскиот бенд „Bеrnays Propaganda“, кои биле во врска.
Жената е сѐ уште е во критична состојба. Од клиниката за „Телма“ изјавиле дека повредената жена е во тешка и критична состојба, со многу скршеници и без свест.
Во истрагата која трае, полицијата очекува да дознае повеќе детали за мистериозната трагедија по подобрувањето на здравствената состојба на повредената девојка.