Пет тинејџерки повредени откако со возилото излетале од коловозот
Пет девојки се повредени откако во три часот утрово, на крстосница од улица „Симеон Кавракиров“ и улица „Венијамин Мачуковски“ патничко моторно возило „Порше“ со скопски регистарски ознаки излетало од коловозот.
Во несреќата со тешки телесни повреди се здобила 19-годишната А.Ц., која управувала со возилото и сопатничката С.П.(18). Полесни повреди имаат три сопатнички Ј.М. (18), Е.Б.(18) и АМ.К.(18).
Денеска (26.11.2023) во 03.25 часот било пријавено дека во Скопје на крстосница од ул.„Симеон Кавракиров” и ул.„Венијамин Мачуковски” патничко моторно возило „порше” со скопски регистарски ознаки, управувано од А.Ц.(19) од Скопје, излетало од коловозот. Во несреќата со тешки телесни повреди се здобила А.Ц. и сопатничката С.П.(18), а со телесни повреди се здобиле уште три сопатнички Ј.М.(18), Е.Б.(18) и АМ.К.(18) сите од Скопје, констатирани во Комплексот клиники „Мајка Тереза” и Градската општа болница „Св.Наум Охридски” – соопшти МВР.
Извршен бил увид од увидна екипа од СВР Скопје.