Неидентификуван 69-годишен маж од Охајо, САД, бил хоспитализиран минатата година откако му бил дијагностициран ковид-19, па имал проблеми со дишењето и со насобирање течности во белите дробови.

Пациентот, кој страдал од дебелина, по десет дена завршил на респиратор, а лекарите го свртеле на стомак за да ја применат итната техника за снабдување со воздух во белите дробови. Кога по 12 часа медицинските сестри повторно го свртеле на грб, забележале дека има ерекција.

Лекарите сметаат дека ковид-19 предизвикал крвни згрутчувања во половиот орган на пациентот. Се обиделе отекувањето да се спречи со ладни облоги, но ерекцијата траела три часа. Лекарите биле принудени со игла да ја исцедат крвта.

Ерекцијата не се вратила по постапката, но човекот починал на интензивна нега кога белите дробови престанале да работат.

Пријапизам или долготрајна ерекција може да доведе до трајно оштетување ако итно не се лекува и може да предизвика неподносливи болки. Пациентот цело време бил без свест, па не можел да одговори колкава болка чувствувал.

Урологот д-р Ричард Вини рекол дека очигледно станува збор за исклучително редок случај бидејќи дотогаш не биле забележани случаи на ковид-пациенти со вакви проблеми, пренесува „Дејли мејл“.