Како што тргнало, ова ќе биде година обележана со разводи на славните. Ѕвездата на „Game of Thrones“, Софи Тарнер и музичарот Џо Џонас, кои се венчаа во 2019 година, се разведуваат, пишува американскиот портал „Ти-ем-зи“.

Што го предизвика крахот на краткотрајниот брак?

Извори открија дека познатиот пејач и актер Џо Џонас веќе контактирал со најмалку двајца адвокати во Лос Анџелес и е на прагот да поднесе документи за развод. Еден од тројцата браќа Џонас и Софи Тарнер се борат со сериозни проблеми во врската најмалку шест месеци.

Според зборовите на упатените, во последните три месеци Џонас цело време се грижел за нивните две деца дури и додека бил со својот бенд на турнеја. За „Ти-ем-зи“ рекле дека децата сега се со него, како и дека неговата група има настапи во Америка.

Кога претходно во јавноста се појавија Софи Тарнер и Џо Џонас, немаше знаци на проблеми во нивната врска. Пред само две-три недели на еден од концертите на браќата Џонас, Софи беше забележана во ложата со Пријанка Чопра, сопруга на еден од браќата Ник Џонас. Во таа прилика, Софи објави и фотографии од неа и Џо на својот инстаграм-профил.

Меѓутоа, Џо во последните неколку недели е виден без венчалниот прстен. Тие неодамна ја продадоа вилата во Мајами, која ја купија пред само една година. Гледано од оваа перспектива, сето тоа било најава за развод.

Софи Тарнер и Џо Џонас се во врска од 2016 година, се верија една година подоцна, а се венчаа во 2019. Првото дете го добија во 2020 година, а во 2022 година станаа родители по вторпат, пишува „Ти-ем-зи“.

Софи Тарнер и Џо Џонас станаа родители по вторпат: Sвездата на „Игра на Тронови“ и музичарот добија ќерка

Се породи пред пет месеци, а веќе сака пак да забремени: Софи Тарнер сака големо семејство